វីធីព្យាបាលចំហាយក្តៅ ឬពងបែកក្នុងមាត់

វីធីព្យាបាលចំហាយក្តៅ ឬពងបែកក្នុងមាត់

ដុំក្រហមតូច មានពណ៌លឿង និងពណ៌សនៅចំកណ្តាលហៅថា ដំបៅក្នុងមាត់ ឬចំហាយក្តៅក្នុងមាត់។ ដំបៅក្នុងមាត់នេះជាធម្មតា ឃើញមាននៅខាងក្នុងបបូរមាត់, មាត់, អណ្តាត, ថ្ពាល់ និងកន្លែងបំពង់ក។ មានអារម្មណ៏ថារលាកត្រង់ក្បែរៗកន្លែងឈឺ, ស្ពឹក, ហើមក្រពេញទឹករងៃសុទ្ធតែជាអាការៈនៃដំបៅក្នុងមាត់។ ប្រព័ន្ធភាពស៊ាំចុះខ្សោយ, ទទួលបានសារធាតុចិញ្ចឹមពីអាហារមិនគ្រប់គ្រាន់, ឈឺចាប់នៅក្នុងមាត់, ទាស់អាហារ, កង្វះវីតាមីន ហើយភាពតានតឹងក្នុងចិត្តមានច្រើន ជាមូលហេតុធ្វើឲកើតដំបៅក្នុងមាត់។ មិនថាបុរស ឬស្ត្រីទេ អាចរងគ្រោះដោយសារដំបៅក្នុងមាត់នេះទាំងអស់។

ប្រទាលកន្ទុយក្រពើ

ចំហាយក្តៅ ឬដំបៅពងបែកក្នុងមាត់អាចត្រូវបានគេព្យាបាលបានទាំងស្រុង ឬអាចកាត់បន្ថយការឈឺចាប់ដោយការព្យាបាលជាមួយប្រទាលកន្ទុយក្រពើ ដែលមានឥទ្ធិពលប្រឆាំងនឹងការរលាក។ សារធាតុប្រឆាំងបាក់តេរីនៅក្នុងប្រទាលកន្ទុយក្រពើក៏អាចជួយព្យាបាលដំបៅក្នុងមាត់បានដែរ។
ត្រូវធ្វើទឹកប្រទាលកន្ទុយក្រពើ ចម្រាញ់យកទឹកចេញពីផ្នែកខាងក្នុងនៃប្រទាលកន្ទុយក្រពើ ហើយលាបវាពីលើដំបៅក្នុងមាត់ដោយផ្ទាល់។ ធ្វើបែបនេះដដែលៗច្រើនដងក្នុង១ថ្ងៃ។ ប្រើទឹកប្រទាលកន្ទុយក្រពើដូចជាទឹកខ្ពល់មាត់ ហើយត្រូវខ្ពល់មាត់ដោយប្រើទឹកប្រទាលកន្ទុយក្រពើនេះ ៣ទៅ៤ដងជាប្រចាំ។ប្រសិនបើអ្នករកប្រទាលកន្ទុយក្រពើស្រស់មិនបាន អ្នកអាចរកទិញទឹកប្រទាលកន្ទុយក្រពើបាននៅតាមហាង។

ជីអង្កាម

ដំបៅក្នុងមាត់អាចព្យាបាលដោយប្រើជីក៏បានដែរ។ ដំបៅក្នុងមាត់អាចជាសះស្បើយបានភ្លាមៗជាមួយនឹងការប្រើជីត្រជាក់។ យកទឹកក្តៅ១កែវ ហើយដាក់ស្លឹកជី ៣ស្លាបព្រាកាហ្វេ បន្ទាប់មកទុកវាចោលយ៉ាងយូរបំផុត ១៥នាទី។
នៅពេលទឹកត្រជាក់ យកវាទៅខ្ពល់មាត់ច្រើនដងច្រើនសាក្នុង១ថ្ងៃ។ ឥទ្ធិពលរបស់ស្លឹកជីក៏អាចលាបដោយផ្ទាល់លើដំបៅក្នុងមាត់របស់អ្នក ដើម្បីទទួលបានការព្យាបាលទាំងស្រុងក្នុងរយៈពេល១ថ្ងៃ។

តែកញ្ចប់តូចៗ

ដំបៅក្នុងមាត់ក៏អាចប្រើតែកញ្ចប់ជាឱសថព្យាបាល នៅពេលមានការឈឺចាប់ និងការរលាក។ ដំបៅក្នុងមាត់នឹងជាសះស្បើយបន្តិចម្តងៗ នៅពេលមានវត្តមានរបស់តែ។ តែខ្មៅ ឬតែបៃតងអាចប្រើដើម្បីព្យាបាលដំបៅក្នុងមាត់បានដូចគ្នា។
របៀបធ្វើ យកតែមួយពែង ហើយត្រូវរក្សាទុកតែកញ្ចប់ក្នុងទូរទឹកកកឲបានត្រឹមត្រូវ។ ប្រើកញ្ចប់តែហិលមកសង្កត់ត្រង់ដំបៅក្នុងមាត់រយៈពេល១៥ទៅ២០នាទីដើម្បីព្យាបាល។ ប្រសិនបើអ្នកអនុវត្តតាមវិធីនេះ ២-៣ដង ក្នុង១ថ្ងៃ អ្នកនឹងឃើញថាដំបៅក្នុងមាត់របស់អ្នកនឹងឆាប់ជាសះស្បើយ។

អំបិល

វិធីផ្សេងមួយទៀតដើម្បីព្យាបាលដំបៅក្នុងមាត់បានគឺ អំបិល។ យកទឹកក្តៅមួយកែវ ហើយដាក់អំបិលចូល១ស្លាបព្រាបាយ។ រួចយកទឹកអំបិលនេះទៅខ្ពល់មាត់របស់អ្នក។ ក្រោយពេលខ្ពល់មាត់រួច យកអំបិលបន្តិចដាក់បិតត្រង់កន្លែងដំបៅក្នុងមាត់នោះ។
អ្នកប្រហែលជាត្រូវទទួលការឈឺចាប់បន្តិច ប៉ុន្តែវានឹងជាសះស្បើយបានលឿន។ ដំបៅក្នុងមាត់របស់អ្នកមិនត្រឹមតែជាសះស្បើយប៉ុណ្ណោះទេ តែអ្នកនឹងបាត់បង់ការឈឺចាប់ភ្លាមៗ។ អនុវត្តធ្វើតាមវិធីនេះឲ្យបានទៀងទាត់ ដើម្បីទទួលបានលទ្ធផលដ៏ប្រសើរ។

ម្ទេសក្រហម

ម្រេចក្រហមក៏អាចប្រើដើម្បីព្យាបាលដំបៅក្នុងមាត់បានដែរ ព្រោះវាជាប្រភពប្រសើរបំផុតដែលអាចធ្វើឲដំបៅឈឺចាប់ឡើងស្ពឹក ដូច្នេះធ្វើឲ្យដំបៅត្រូវជាសះស្បើយ។ ម្ទេសក្រហមអាចលាបដោយផ្ទាល់ត្រង់ដំបៅក្នុងមាត់។ ការឈឺចាប់ដំបូងនឹងជួយព្យាបាលឲជាបានឆាប់ៗ។ វិធីបែបនេះអាចព្យាបាលដំបៅក្នុងមាត់បានយ៉ាងមានប្រសិទ្ធិភាព។ ដំបៅក្នុងមាត់ក៏អាចជាសះស្បើយបានដោយការបៀមម្ទេសក្រហមនេះ។

មេម្សៅ

មេម្សៅអាចព្យាបាលដំបៅក្នុងមាត់បានយ៉ាងជោគជ័យ។ ដើម្បីធ្វើវាបាន ត្រូវដាក់មេម្សៅ១ស្លាបព្រាកាហ្វេលាយជាមួយទឹកក្តៅ។ ប្រើទឹកនេះខ្ពល់មាត់ឲបានច្រើនដងក្នុងមួយថ្ងៃ ដើម្បីបំបាត់ការឈឺចាប់ក្នុងរយៈពេល ២៤ម៉ោង។
មេម្សៅអាចលាយជាមួយទឹកបន្តិច រួចយកទៅជូតត្រង់ដំបៅក្នុងមាត់ ដើម្បីព្យាបាលការឈឺចាប់។ ដូច្នេះប្រសិនបើអ្នកចង់ជាដំបៅក្នុងមាត់ វិធីព្យាបាលដោយប្រើមេម្សៅនេះពិតជាវិធីប្រសើរបំផុត។

ប្រេងដើមតែ

ប្រេងដើមតែអាចព្យាបាលដំបៅក្នុងមាត់បានយ៉ាងមានប្រសិទ្ធិភាព។ ដើម្បីព្យាបាលដំបៅនេះបាន ត្រូវលាយប្រេងដើមតែ១០ភាគរយ ដែលត្រូវបានគេល្បីថាជាថ្នាំសម្លាប់មេរោគលើស្បែក និងទឹក ៩០ភាគរយ រួចយកមកខ្ពល់មាត់។ ប្រើទឹកខ្ពល់មាត់នេះ២ដងប្រចាំថ្ងៃ៕
Please help to like and share for more article upload.